Tuesday, 25 July 2017

गाजराचे क्रीम सूप


गाजराचे क्रीम सूप

 



साहित्य ६-७ मध्यम गाजरे, तीन मध्यम कांदे, अर्धा कप साय /मलई, एक चमचा चीज, दोन चमचे लोणी, चवीनुसार मीठ, मिरपूड, चार कप पाणी.
कृती प्रथम एका स्टीलच्या पातेल्यात  लोणी वितळवून घ्या. गाजर सोलून पातळ तुकडे करून परतून घ्या. थोडे परतल्यानंतर त्यावर चिरलेल्या मोठ्या कांद्याच्या फोडी घाला. झाकण ठेवून गाजर व कांदा थोडे शिजू द्या. नंतर पाणी टाका. चांगले उकळले की शिजलेले गाजर व कांदा काढून त्यातलेच पाणी टाकून मिक्समधून फिरवून घ्या. फिरवताना त्यात साय / मलई घाला. मिक्सरमधील मिश्रण चांगले` एकजीव झाले की मंद आचेवर उकळवून घ्या. सर्व्ह करतेवेळी वर  किसलेले चीज घाला.

नाचणी सत्व पिठाचा शिरा

नाचणी सत्व पिठाचा शिरा

कृती : नाचणी सत्व साजूक तुपावर चांगले भाजावे,दुसरीकडे एक पॅनमध्ये अर्ध दुध व अर्ध पाणी घ्या व त्यात व आवडीनुसार साखर घालून उकळी आणावी , मग तुपावर भाजलेले सत्व घालून भराभर परतावे (गुठळ्या होवू नयेत म्हणून )
मग एक चमचा तूप घालून परतावे, कढईपासून गोळा सुटायला लागला की झाला शिरा खायला तय्यार !

आवडीनुसार ड्रायफ्रुटस तुपात तळून टाकावेत. 

Tuesday, 18 July 2017





साहित्य  :  एक मोठे कच्चे केळे,पाव वाटी आरारूट (तवकील), चवीनुसार एक चमचा मीठ,दीड चमचा लाल मिरचीचे तिखट,तळणीसाठी आवश्यकतेनुसार तेल.
कृती  : सालासकट कछे केळे कुकरमधून शिजवून घ्या. कुकरमधून काढून थंड झाल्यावर केळे सोलून घ्या व एका बाऊल मध्ये शिजलेले केळे हाताने कुस्करून त्याचा मऊ लगदा करून घ्या. मग त्यात आरारूट  (तवकील) पावडर आणि चवीनुसार मीठ व लाल मिरचीचे तिखट घालून मिक्स करा व गोला चांगला मळून मुरायला ठेवा.
दुसरीकडे गॅसवर एका कढईत शेव टाळण्यासाठी पुरेसे तेल गरम करून घेऊन मग त्या उकललत्या तेलात सोर्‍याचा वापर करून शेव पाडा. सोनेरी रंगावर शेव टाळून पेपर नॅप्किनवर काढा.
टीप :  १. याच पद्धतीने कच्च्या केळ्या ऐवजी उकडलेले बटाटे वापरुन बाटाट्याची शेव करता येईल.

२. सोर्‍या मध्ये शेवेच्या जागी चकल्यांची चकती वापरुन शेवेच्या जागी चकल्याही करता येतील. 

कुळथाची चटणी



साहित्य : एक वाटी कुळीथ,एकटेबलस्पून तेल,दोन टेबलस्पून उडदाची डाळ,अर्धी वाटी बारीक चिरलेला कांदा,दोन टेबलस्पून बारीक चिरलेला लसूण,चार लाल सुक्या मिरचयांचे तुकडे,मूठभर बारीक चिरलेली कोथिंबीर,अर्धी वाटी ओल्या नारळाचा खोवलेला चव,७-८ कढीपत्त्याची पाने,चवीनुसार मीठ,फोडणीसाठी दोन चमचे तेल,एक चमचा उडदाची डाळ,अर्धा चमचा मोहरी,एक छोटा चमचा हिंग,५-६ कढीपत्त्याची पाने,
कृती : गॅसवर एका नॉनस्टिक पॅनमध्ये मध्यम आंचेवर कुळीथ कोरडेच सुवास सुटेपर्यंत (सुमारे ५ मिनिटे) भाजून घ्या. मग ते भाजलेले कुळीथ एका पॅनमध्ये पाणी घेऊन त्यात एक तास भिजत घालून एक तासानंतर त्यातील पाणी काढून टाका व बाजूला ठेवा.
मग ते भाजून भिजवलेले  कुळीथ एका भांड्यात पाण्यात घालून प्रेशरकुकरमधून चार शिट्ट्यावर शिजवून घ्या. कुकर थंड होऊन वाफ जिरल्यावर कुकरचे झाकण काढून शिजलेल्या कुळीथातील पाणी काढून टाकून बाजला ठेवा.
गॅसवर एका नॉनस्टिकपॅनमध्ये फोडणीसाठी तेल गरम करून घ्या व त्या तापलेल्या तेलात उडदाची डाळ घालून ती  लालसर रंगावर  परतून घ्या व मग त्यात बारीक चिरलेला कांदा,लसूण व सुक्या लाल मिरचयांचे तुकडे घालून मध्यम आंचेवर तेही दोन मिनिटे परतून घ्या.आता त्यात बारीक चिरलेली कोथिंबीर घालून पुन्हा अर्धा मिनिट परतून घ्या व मग शिजवून ठेवलेले कुळीथ घालून मध्यम आंचेवर आणखी २-३ मिनिटे परटुन्न घेऊन गॅस बंद करा.
मिश्रण थोडेसे थंड झाले की मिक्सरच्याभांड्यात घाला व त्यात अर्धी वाटी पाणी आणि चवीनुसार मीठ  घालून जाडसर वाटून घ्या व नंतर मिक्सरमधून एका बाऊलमध्ये काढून घ्या.
आता गॅसवर एका पॅनमध्ये फोडणीसाठी तेल गरम करून घ्या. तेल चांगले गरम झाले की त्यात मोहरी टाका व ती छान तडतडली की उडदाची डाळ,हिंग व कढीपट्याची पाने घाला व मध्यम आंचेवर अर्धा मिनिट परतून घेऊन मग ती फोडणी बाऊलमध्ये काढून ठेवलल्या चचटणीवर ओता व चमच्याने चटणी कालवून मिक्स करा.
लगेच ही चटणी  रोटी किंवा चपाती सोबत सर्व्ह करा.
फ्रिजमध्ये ठेवल्यास ही चटणी ८-१० दिवस छान टिकते. 

Wednesday, 12 July 2017

असा शिजवा वरण-भात

असा शिजवा वरण-भात



 गृहिणींनी संध्याकाळी ४-४.३० च्या सुमारास डाळ, तांदूळ धुऊन कुकर तयार करुन ठेवायचा आणि साधारण वाजता मोठ्या आचेवर गँस ठेवायचा, साधारणत: १०मिनिटांनी वाफेचा दाब तयार होतो तेंव्हा गँस मंद आचेवर आणून पुन्हा १० मिनिटे ठेवायचा आणि नंतर बंद करायचा. शिट्टी अजिबात होऊ द्यायची नाही. नोकरदार भगिनींनी सकाळी धान्य धुवून त्यात आवश्यक पाणी घालून फ्रीजमध्ये ठेऊन जावे. संध्याकाळी परतल्यावर ते बाहेर काढून ठेऊन रम टेंपरेचरला येऊ द्यावे मग वरीलप्रमाणेच कृती. ह्यामुळे इंधन बचत, वेळेची बचत तर होतेच पण अन्नही मस्त शिजते, वरण हाटावे लागतच नाही. ह्याच पद्धतीने brown rice ही उत्तम शिजतो. प्रयोग करुन पहा तर!


Thursday, 29 June 2017

उपासाचे मिश्र लाडू

उपासाचे मिश्र लाडू 


साहित्य  : राजगिरा, साबूदाणा आणि शिंगाड्याचे पीठ प्रत्येकी एक वाटी  , दीड वाटी साजूक  तूप, दोन वाट्या पिठीसाखर , एक चमचा वेलचीपूड खाण्याचा रंग. 
कृती  :  प्रथम  गॅसवर एका कढईत तिन्ही पिठे कोरडी खमंग भाजून घ्यावीत , एका परातीत गरम केलेले पातळ साजूक तूप व पिठी साखर एकत्र करून  फेटून हयावी , त्यात चिमूटभर खाण्याचा रंग व वेलचीपूड घालावी , मग त्यात तिन्ही पिठे मिसळून लाडू वळावेत. जरूर वाटल्यास आणखी थोडे तूप घालावे.

काकडी पियुष (नमकीन)

काकडी पियुष (नमकीन)


साहित्य  : एक मोठी काकडी , अर्धा इंच आले, बारीक चिरलेली कोथिंबीर , एक चमचा लिंबाचा रस, दोन कप गोड ताक, मीठ, मिरेपूड, चाट मसाला, थोडा बर्फ. 
कृती :  काकडीची साले काढून त्याचे तुकडे करा.  मिक्‍सरमध्ये काकडीचे तुकडे, आले, लिंबाचा रस, साखर, मीठ घालून बारीक करा. 
नंतर त्यात थंडगार ताक, बर्फ, चाट मसाला व बारीक चिरलेलि कोथिंबीर  घाला व थंड करून सर्व्ह करा.